MICRORELLATU

L'ESCARMIENTU

           Aula 15, miércoles pela mañana, a metá de la clas suena un ruiu agudu d'un móvil. De sutrucu,  tola clas calló y a mi entróme la risa porque'l soníu yera d'un móvil y yo nun traigo móvil a clase. Yera l'únicu que se riía.

      El suspense taba matándolos a toos, entós  la nuesa profesora de llingua castellana dixo: "¿A quién-y sonó`l móvil?".Quedamos toos callaos menos yo, que taba aguantando la risa como podía, pero naide nun dixo ná.

       Entós, la profe mandóme a xefatura a pola xefa d'estudios:¡¡BEGOÑA!!. Pico na puerta del so despachu y entrugo que si pueo pasar:" Sí,  claro,  pasa, pasa. ¿Qué ti pasa Xuanin?". Asina que-y cunté lo que pasare. Llegamos a clase y dixo con voz de mandu: "¿A quién-y sonó`l teléfonu?". Quedáron toos nun silenciu aterraor. "O me decís a quién-y sonó'l telefonu o pongo un parte a tola clas".  Nesi momentu,
armóse un xaréu, un voceríu inpresionante. La xefa taba poniéndose de mui mal xeniu, pegónos una berría y callamos toos. Tocó'l turullu y díxonos que nos salvara la campana, y que como nun fuere al recréu el que-y sonó'l teléfonu que nos ponía un parte a toos.

             En recréu, yo taba dando vueltes colos hermanos Miyar y vi a Fernanda dir pa xefatura. Cuando terminó'l recréu, la xefa subió a la nuesa clas y díxonos que nun nos esmoleciéremos, que yá saliere'l culpable. Al día siguiente, naide traxo'l teléfonu a clas, porque-yos entrugué a toos y dixéronme que non. Díxe-yos a toos que lo que pasara yera un escarmientu y, nunos meses, naide traxo`l movil a clas, hasta que lo escaecieron y volvieron a trayelu.

El Cuélebre malditu

      En Cibuyo , un pueblín que pertenez a Cangues del Narcea , había un matrimoniu, yá de mediana edá, formáu por Xustino y Olaya. Los dos teníen un bon rebañu de vaques al llau de la so cabaña. Un díi pela mañana, Xustino llevantóse pa dir a revisar el so rebañu, cuando atalantó que-yos faltaba una vaca. Entós, llamó a Olaya y glayó : 
-¡ Ai, mamina , fáltanos una vaca !
       Los vecinos oyeron glayar a Xustíno y, entós, fueron pa ellí:
- ¿Qué ye lo que pasa?- entrugó Xuan, el paisanu más vieyu del pueblu.
-¡Qué sé yo, Xuan, qué sé yo!   

-¡Fáltanos una vaca!- glayó Olaya. 
-¿Pero cómo pue ser?- entrugó-y Xuan .
       Teresa, otra vecina del pueblu, fixóse en qu´ había una escama tirada en  suelu. 
-¿Non  pudo ser  el Cuélebre?- entrugó.  
-¡A lo meyor! - glayó Xustino
       Entós toos van a la gueta del Cuélebre. Empobinen toos pa la cueva,  pero nun  atopen  ná, asina que tornen pa casa.
       Dos díes más tarde Xustino fixóse en  que faltaba otra vaca
 ( yeren 2 vaques) . Xustino nun sabía qué facer , polo que, cola ayuda de la so muyer y los vecinos , fueron a intentar matar al Cuélebre. Cuando Xustino dio la espalda, el Cuélebre salió y devorólu enteru. Entós la probe Olaya esperó y  esperó, pero Xustino enxamás volvió.