28 oct 2012

Entrevista a Álvaro Cueto

Entrevista a Álvaro Cueto
Fecha por Eita Martino
 
Nome:Álvaro Cueto
Añu de nacimientu:18 de xunetu de 1991                                
Un ciudá: Glasgow
Una peli:El escritor
Grupu de música:Talabarte
Una comida:ensaladilla rusa dempués de tocar.

                                                                                                 
-¿Préstate lo que faes?
-Sí, más que nada

-¿Dálguien de la to familia tocaba la gaita?
-Non

-¿Con cuántos años entameste?
- 8 años

-¿Por qué entameste?
-Porque siempre  me gustó la gaita,dende que tengo usu de razón

-¿Costóte munchu llegar hasta onde tas agora?
-Considero que me costó llegar a facer munches coses hasta llegar a como toi agora,pero ser direutor fue una opción que siempre tuve cabeza y yera consciente de que mal del tou nun lo podía facer. Pero bueno…suel decise que les coses que son fáciles nun presten tanto cuando les consigues.
Amás nun tendría llegao onde toi agora sin l’ayuda de muncha xente , como Diego Purón , direutor de la BGRibeseya , y tamién a los miembros de la banda , porque nun hai qu’escaecer que vivimos del trabayu n’equipu y que, pa tener ésitu en dalgo, tenemos que tar xuntos en too esto.

-¿Cuántes hores dediques?
-En realidá en tou momentu  toi pensando dalgo sobre la banda,pero buenu realmente intento dedicar tolos dies  dalgún  tiempu al ensayu personal  y llueu el tiempu d’ensayu de la banda que pa mi, anguaño  ye lo más importante.

-¿Qué quies algamar?
-Nun pretendo conseguir premios individuales,nin pretendo que tolo que se fai na banda   s’identifique conmigo, más bien pretendo que la xente lo pase bien tocando música, una cosa que yo sólu concibo sonando bien y faciendo les coses bien . Mientres se trabaye con buen rollu , con esfuerzu , con motivación , tantu personal como grupal, y sobre tou bon facer ,  los premios o los oxetivos van llegando.

-¿Pasasti per munches bandes de gaites?
-
Toqué na banda de gaites de Villaviciosa 6 años, dende 2003 hasta 2009, y llueu, en 2010, entré na BGRibeseya.Amás,  dende fai unos meses tamién toi tocando cuando puedo con Lakadarma de Nava

-¿Qué significa pa ti la gaita?
-Dalgo dafechamente necesariu na mio vida, una vía d’escape a los problemes que pueda tener. Tocando y, sobre tou, disfrutando de lo que tas tocando, escaeces les esmoliciones que puedas tener a diariu .

-¿Cuála ye la  meyor actuación que recuerdes?
-Hai munches,pero centrándose na etapa cabera cola  BGRibeseya, probablemente tea la 1ª fase de la lliga d’esti añu y la siguente actuación de la banda, xustu dempués del campeonatu , en Ribeseya .

Y pa terminar ¿A qué te dediques cuando nun toques la gaita?
Agora mesmu prácticamente dedico tol tiempu  a la gaita, anque como afición tengo andar en bici y préstame muncho dar una vueltuca cuando tengo tiempu.

-Munches gracies Álvaro

-          ¡¡¡De ná,munches gracies a vosotros !!!

No hay comentarios:

Publicar un comentario