Villa de Ribeseya

FESTIVAL  VILLA DE RIBESEYA
Memorial David Mateos”Puru”

                Eita Martino y Candela López /10-10-2012

El prósimu 13 d’ochobre va a celebrase en Ribeseya’l 1er festival de banda de gaites Villa de Ribeseya: Memorial David Mateos”Puru”.

Recientemente fallecíu nun accidente de rally, yera percusionista nel grupu de música folk “Corquiéu”

Les bandes participantes nel festival sedrán:

Banda Gaites Lakadarma

Banda Gaites Ribeseya

Banda Gaites Candás

Banda Gaites Xácara

La Banda Gaites lakadarma: L'agrupación, que se forma en febreru de 2012, baxo la direición musical de los hermanos Rodrigo y Andrea Joglar, compónse de músicos procedentes d'estremaes estayes de la música tradicional asturiana, tanto del mundu de les bandes de gaites, como de los grupos de música folk.

 La BGRibeseya: Nel añu 1996 y como frutu de la Escuela de Musica Tradicional, Xurde na Villa de Ribeseya la Banda Gaites Ribeseya, dientro'l proyeutu creáu pol gaiteru Jose Angel Hevia y conocíu como “La Bandona d’Asturies”. Nel iviernu de 2003 la BGR tuvo una crisis de componentes, por razones d’estudios y trabayos, viéndose obligada a tomar un descansu temporal que duraría 6 años. Nel añu 2009 produzse un movimientu pa intentar resucitar a la BGRibeseya, que naz coles mires de convertise nuna banda compatible con horarios de trabayu y accesible a xente de cualesquiera parte d'Asturies con ganes de trabayar y progresar nesti tipu de formaciones. L’actual formación ta dirixía por Diego Purón ayudáu, por Álvaro Cueto na sección de gaites y Xana Rodríguez na sección de timbales, y ta formada por 12 gaiteros, 4 caxistas, 4 timbaleres y 1 bomberu.

 Banda Gaites Candas: Fundada en 1989, vien realizando’l so llabor de promoción y espardimientu de la cultura y música tradicionales d’Asturies, llevando’l nome del so pueblu, Candás, a llugares tan estremaos como Bretaña, Irlanda, Italia, Portugal, Arxentina, Uruguay, Bélxica , Francia y Palestina…onde los sos conciertos llograron gran repercusión ente públicu y prensa.

Banda Gaites Xácara: La Banda Gaites Xácara fórmase en 1999 n′Uviéu, nel sen de l′Asociación Cultural Xácara d′escolinos de la Escuela de Música Tradicional Xácara-La Guareña, d′Uviéu. 
Dende l′entamu la banda tien como direutor musical a Ricardo Soberado Hoyos. Amás, cuenta con Pablo Alonso Miranda como subdirector y encargáu de la puesta a puntu de las gaites, y con Manuel Durán García como responsable de la percusión. La banda presentase oficialmente al públicu en Xunu de 2002 nel teatru Campoamor d′Uviéu, na xornada final del Concursu y Muestra de Folklore "Ciudad de Oviedo".