Torna de Lucía Llera

Llección 1

Polo menos aprendí esto:

la Vida nun tien que ser

too poesía y roses. la Vida

 pue ser trayectos n’autobús, petrees aceres,

factures llétriques, fregar los platos,

llabios agrietaos, llapices desganaos y consumíos

coles gomes mordíes,

radios barates sonando al alto la lleva,

el fétidu arume a café ranciu

entá consigue brillar

col fueu interior d'un ópalu,

tovía sabe como'l miel.

Julie Hill Alger

Torna de Lucía Llera

Torna de Candela López

Al pie de la mar.

Cuando taba al llau de la mar

Diéronme una pala de madera

Pa escavar la tierra de la oriella,

Les mios poces taben vacíes como una taza,

La marea enllenó cada poza,

Hasta que nun pudo tapales más.

Robert Louis Stevenson

Torna de Candela López

Torna de Yedra Peñil

      CANCIU DE LLUVIA D’ABRIL

Dexa la lluvia besate,

Dexa la lluvia que te golpee na tiesta con gotes plateaes d’agua

Dexa la lluvia cantate una añaes

La lluvia fae champanes na acera

La lluvia fae que los champanes s'espurran hasta l'alcantarilla

La lluvia toca añaes nel teyáu pela nueche

Yo amo la lluvia.

Langston Hughes

Tornáu por Yedra Peñil

Poema orixinal de Candela López

AQUEL RECORDAR

Recordando los tos besos

Y la brisa del mar

Recordando los tos besos

Nun los quiero borrar

Recordando los tos besos

Ficístime suañar

Recordando los tos besos

Y aquel murniu espertar

Candela López

Poema orixinal d'Eita Martino

El  mio suañu

Güei nun anunciu vite

asomá na to ventana

y quixe tenete otra vegada

colos mesmos defectos

y los tos besos.

La to boca yera un matu

de fumu.

los tos güeyos, un mundiu

distintu.

Entós alcordéme que yeras el diañu,

el diañu que siempre torna.

Eita Martino

Poema orixinal de Yedra Peñil

Vuelvi

Y tovía m’alcuerdo

d’aquel amor,

d’hai seis meses.

Pue que yá nun tenga

con quien pasar el mio tiempu.

Que me tán pasando coses

que yo nun merezo.

Págame con amor

tolo que te di.

Yedra Peñil