El ribeseyanu Xulián mata'l so primer xabalí.
26/9/16 Xuan Carlos Prida
El ribeseyanu Xulián mató'l so primer xabalí de la so vida'l domingu pasáu. Matólu nel cotu de Barréu, expecíficamente en La Cruz. Xulián entamó a cazar l'añu pasáu, diba de monteru colos perros, pero esti añu decidió sacar el permisu d'armes y la llicencia de caza pa tirar dalgunos tiros ya intentar matar el so primer xabalí, qu'asina fue.
Los fechos trescurrieron d'esti mou: avisaron los monteros de que yera un xabalinón de 100 kilos y que diba pa Xulián. Entós, col rifle cargáu, esperó y dempués de 10 minutos del avisu sintió triscar, apuntó y púmmm pummm, el primer tiru pegó-y embaxu la boca, na garganta y el segundu pegó-y pocu más alantre 'l cadril. El xabalí, al ser tan grande aguantó y fue pal puestu de Xuanito, que-y tiró un tiru pero nun-y pegó, a los pocos segundos el xabalinón cayó y Xulianin murriase d'alegria.
Na nuesa cuadrilla cuand'una persona mata'l só primer xabalí bautizamoslu con la sangre del Xabalí.
Asina fue cómo Xulianín mató'l so primer xabalí, que nun yera pequeñu.
No hay comentarios:
Publicar un comentario